RegionXəbərləricom.az-ın elektron poçtuna Şəki rayon Çələbixan qəsəbəsi, ev 42 ünvanında yaşayan Məmmədov Qaçay Mürşüd oğlu tərəfindən məktub daxil olub. Şəki sakini mətbuat vasitəsi ilə Azərbaycan Respublikasının Ekologiya və Təbii Sərvətlər Naziri Muxtar Babayevə müraciət ünvanlayır.
"Cənab Nazir Şəki Rayon Meşə İdarəsinin işçisi özünü nazirliyin işçisi kimi tanıdan Mustafa Fikrət oğlu “Camışçılıq” meşəsini qırdırıb, satıbdır. Tamamilə meşə pis gündədir, meşəni siyirtdirib Namiq Azandan korrupsiya və rüşvətxorluq əməlləri ilə 8000 manat pul alıb tütün əkdiribdir. Ekologiyadan bu yaxınlarda Mustafanın bir kamaz odununu metrəsini tutublar. Təxminən 7 gün bundan əvvəl özü icazə verib rüşvətxorluq yolu ilə Cavanşir və Ayaz adlı şəxslərdən 5000 manat da pul alıb. Cavanşir Şəki rayonunun Birinci Biləcikdən, Ayaz Aşağı Göynük kəndindəndir. Onlara və digərlərinə 30 kamaz palıd odunu satıbdır. Sonradan Cavanşir Ayazgili şərləyib ki, guya özbaşına meşəni qırıblar. Həmin cinayətkar, dələduz, rüşvətxor əməllərini davam etdirən Mustafa Arazı öz yanına çağırıb deyib ki, adam tap odun sataq, lakin Araz onunla razılaşmayıb. Ona görə Arazı bir neçə dəfə şərləyib.





Onu da bildirim ki, Öyrət fermasında yaşayanlardan pul alıb, qeyri-qanuni olaraq heyvanlarına meşəni otarmaq üçün icazə verib. Atçılıq fermasının müdiri Əmirxandan pul alıb meşədə heyvanlarını otartdırır, özü qeyri-qanuni meşədə fermada tikdirib, 200 baş qoyun saxlayır, onları da meşədə otarır. Fermadan əlavə qeyri-qanuni əxlaqsız yuvası yaratdığı evin içində seyfdə bildiyimə görə 3 ədəd sənədsiz ov tüfəngi saxlayır, həmçinin qeyri-qanuni çoban saxlayır. Beləliklə, Mustafa meşədə qanunsuz, icazəsiz dairəvi kanal qazdırıb, orada minlərlə ağacı məhv etdirib, şlaqbanlar qoydurub.

Onu da bildirim ki, mənə və digərlərinə şər-böhtan atdırır. Bir neçə dəfə də mənə qarşı olan insanlara da zəng vurub ki, Qaçaydan şikayət et, mən özüm Nazirliyin işçisiyəm, Nazirlikdə də mənim adamlarım var, Qaçayı ilişdirəcəm. Mən başa düşə bilmirəm ki, bu cinayətkar, narkotiklə məşğul olan, özü dələduzluq edib, ondan-bundan pul alıb, meşəni qırdırıb tütün əkdirən, qaynatasını və qaynını böhtan ataraq şərlədiyinə görə 3 il 6 ay həbs olunan bir cinayətkar necə ola bilər ki, dövlət işində işləsin? Mən 06 noyabr 2023-cü il tarixdə Meşə İdarəsinin müdirinin qəbulunda olmuşam, Mustafanın meşədə tütün əkdirdiyindən xəbəri olmadığını bildirdi.

Onu da qeyd edim ki, mənim həyatım Mustafa Fikrət oğlu tərəfindən təhlükə altındadır. Onun bu cinayətlərinin üstünü açdığıma görə məni hər an öldürtdürə bilər, cibimə nəşə qoydurar.

Cənab Nazir, Sizdən xahiş edirəm ki, mənim təhlükəsizliyimi təmin edəsiniz. Bütün bu yazdıqlarımın hamısı aşkar edilməsi üçün beynəlxalq ekspertlər cəlb olunsun, cinayətkar və onu himayə edənlər cinayət məsuliyyətinə cəlb edilsinlər".