ABŞ-ın Florida ştatının Mayami şəhərində inanılmaz yaddaşa malik insan Ginnesin rekordlar kitabına düşüb.

Ulutv.info milli.az-a istinadən bildirir ki, bu barədə UPI xəbər agentliyi məlumat yayıb.

Nelson Dellis su altında olarkən qarışdırılmış oyun kartlarının sırasını əzbərlədi. Bundan sonra o, sahilə çıxdı və eyni qaydada başqa bir kartları düzdü. Bunun üçün amerikalı iki dəqiqə 22,53 saniyə vaxt sərf edib. Dellis dünyanın ən sürətli su altında kartların düzülüşünü əzbərləyən şəxs kimi tanınıb.

Bundan əvvəlki rekord hindistanlı Sancit Şarmaya məxsusdur. 2019-cu ildə ona su altında kartları yadda saxlamaq üç dəqiqə 42,5 saniyə çəkdi.

Dellis, ən çətin şeyin kifayət qədər uzun müddət su altında nəfəs tutmağı öyrənmək olduğunu söylədi.

"Bunu əldə etmək üçün çox şey öyrənməli oldum", - o dedi.

Ulutv.info