Daxili İşlər Nazirliyi (DİN) Xətai Rayon Polis İdarəsinin 37-ci Polis Bölməsi əməkdaşlarının keçirdikləri əməliyyat tədbirləri nəticəsində şirkətlərin birinə məxsus inşa olunan binadan 10 400 manat dəyərində elektrik naqilləri oğurlamaqda şübhəli bilinən Bərdə rayon sakini K.Məmmədov, Masallı rayon sakini M.Ağamalıyev və Tovuz rayon sakini İ.Camalov saxlanılması ilə bağlı məlumat yayıb.

Ulutv.info-nun qaynarinfo-ya istinadən məlumatına görə, hadisə Əmək və Əhalinin Sosial Müdafiəsi Nazirliyinin tabeliyindəki Dayanıqlı və Operativ Sosial Təminat Agentliyi (DOST) üçün yeni inşa olunan Xətai Mərkəzində baş verib.

Xətai DOST Mərkəzinin tikintisi "Kristal Abşeron” şirkəti tərəfindən aparılır. Oğurluq hadisəsi də "Kristal Abşeron” şirkətinin mühafizəçiləri tərəfindən törədilib.

Belə ki, mühafizəçilərin yeni inşa edilən binanın elektirik naqillərini müxtəlif günlərdə oğurlayaraq apardığı iddia edilir. Hazırda hadisə ilə bağlı istintaq aparılır.
Ətraflı

Qaynarinfo məsələ ilə bağlı "Kristal Abşeron" şirkətinə müraciət edib. Şirkətdən sorğumuza cavab olaraq bildirilib:

"Sorğunuz üçün təşəkkür edirik. Əvvəla məlumat vermək istəyirik ki, Xətai rayonu, Mehdi Mehdiyev küçəsi 54 ünvanındakı binanın tikintisi "Diadem" QSC tərəfindən uğurla həyata keçirilir.

25.08.2022 tarixində hazırda tikintisi davam edən binada podratçı şirkətin nümayəndələri tərəfindən oğurluq hadisəsi törədilib. Hadisə nəticəsində Cəmiyyətə 10400 AZN məbləğində zərər hesablanıb. Bununla bağlı aiddiyyatı qurumlara məlumat verilib və hazırda araşdırmalar davam edir.\\qaynarinfo.az\

Ulutv.info