Əslində kifayət qədər ciddi ticarət şəbəkəsi olan "Araz" markettin satdığı məhsulları bizlər də bir alıcı kimi dünənə qədər etimadla istehlak etmişik. Amma dünən DİA.AZ əməkdaşları olaraq öz gözlərimizlə gördüyümüz faktlar bizi bu market barədə ehtiyatlı davranmağa vadar etməkdədir.

Hansını deyək? Vaxtı 2 həftə əvvəl keçmiş kolbasaların cütləşdirilərək "endirim" adı altında xırıd edilməsindənmi danışaq, yoxsa vaxtının keçmsinə bir gün qalmış sarımsaqlı yağda konservləşdirilmiş hamsinin qiymətinin 8.99 manatdan 1 manata qədər endirilməsindənmi söz edək?..

Bəlkə dünənə qədər ən azı 3 manata satışda olan "Qlavprodukt" kimi ciddi markanın məhsulu olan paştetlərin məhz vaxtının keçməsi səbbəbindən 99 qəpiyə müştəriyə təklif olunmasından danışaq...

Nə isə... Bütün bunlara bizlər dünən "Araz" markein "Space" kanalının redaksiyası ilə üz-üzə olan filialında rast gəldik. Elə digər filiallarda da vəziyyət eynidir.

Bütün bunları müştərilər görməyə bilər... Bəs AQTA-nın gözləri niyə KOR OLUB Kİ?

Biz dediklərimizin sübutu olan bəzi fotoları təqdim edirik... Daha geniş materialımız isə irəlidədir...