Parisdəki “Natəvan” Azərbaycan həftəsonu məktəbində Torpaq çərşənbəsi qeyd edilib - FOTO

Paris şəhərində yerləşən Azərbaycan Mədəniyyət Mərkəzinin nəzdində fəaliyyət göstərən “Natəvan” Azərbaycan həftəsonu məktəbində Torpaq çərşənbəsi böyük sevinclə qeyd edilib.

Öncə şagirdlərə xalqımızın qədim bayramı olan Novruzun əsl mahiyyətindən doğan adət-ənənələr və oyunları barədə məlumat verilib.

Sonra şagirdlərin ifasında Novruz bayramına həsr olunmuş şeirlər və “Səməni” mahnısı səsləndirilib.

Bayram şənliyi yumurta boyanması ilə davam edib. Bu prosesi uşaqlara Azərbaycanın Fransadakı səfiri Leyla Abdullayeva, rəsm müəllimi Əsmər Nərimanbəyova, musiqi müəllimi Səidə Zülfüqarova və Azərbaycan dili müəllimi Kəmalə Gülməmmədova nümayiş etdiriblər.

Qeyd edək ki, “Natəvan” Azərbaycan həftəsonu məktəbi Diasporla İş üzrə Dövlət Komitəsinin dəstəyi ilə fəaliyyət göstərir. Başlıca məqsəd Azərbaycan dilini Fransadakı uşaqlara öyrətmək, Azərbaycan mədəniyyətini və ənənələrini təbliğ etməkdir.

ULUTV.İNFO




Şikayət və təkliflər üçün qaynar xətt:
Əlaqə whatsapp:+994 55 402 02 85
Ulutv.info